Hvernig sættist ég við Guð?

 

Spurning: Hvernig sættist ég við Guð?

Svar: Til að sættast við Guð verðum við að gera okkur grein fyrir, hvað veldur ósættinni. Svarið er: syndin. „Enginn gjörir það sem gott er – ekki einn” (Sálmarnir 14:3). Við höfum gert uppreisn gegn Guði; við „fórum allir villir vega sem sauðir” (Jesaja 53:6).

Slæmu fréttirnar eru þær, að refsing syndarinnar er dauði. „Sú sálin, sem syndgar, hún skal deyja” (Esekíel 18:4). Góðu fréttirnar eru þær, að elskuríkur Guð hefur fylgt okkur í því skyni að færa okkur hjálpræði. Jesús lýsti yfir því að markmið hans væri „að leita að hinu týnda og frelsa það” (Lúkas 19:10), og hann kunngerði, að markmiðinu væri náð, þegar hann dó á krossinum með orðunum: „Það er fullkomnað” (Jóhannes 19:30).

Að vera í réttu sambandi við Guð hefst með syndajátningu. Síðan kemur auðmjúk játning syndarinnar gagnvart Guði (Jesaja 57:15) og sú eindregna ákvörðun að hverfa frá syndugu líferni. „Með munninum er játað til hjálpræðis” (Rómverjabréfið 10:10).

Iðruninni verður að fylgja trú. Einkanlega sú trú, að fórnardauði og undursamleg upprisa Jesú geri hann hæfan til að vera Frelsari þinn. „Ef þú játar með munni þínum: Jesús er Drottinn – og trúir í hjarta þínu, að Guð hafi uppvakið hann frá dauðum, muntu hólpinn verða” (Rómverjabréfið 10:9). Margir fleiri ritningarstaðir orðfæra nauðsyn trúarinnar, svo sem Jóhannes 20:27; Postulasagan 16:31; Galatabréfið 2:16; 3:11,26; og Efesusbréfið 2:8.

Að vera sáttur við Guð varðar viðbrögð þín við því sem Guð hefur gert þín vegna. Hann sendi Frelsarann, hann sá fyrir fórninni til að losa þig við syndina (Jóhannes 1:29), og hann veitir þér fyrirheitið: „En hver sá, sem ákallar nafn Drottins, mun frelsast” (Postulasagan 2:21).

Hjartnæm útlegging á iðrun og fyrirgefningu er dæmisagan um glataða soninn (Lúkas 15:11-32). Yngri sonurinn sóaði gjöf föður síns í skammarlega syndugt líferni (vers 13). Þegar hann gerði sér grein fyrir misferlinu, afréð hann að snúa heim aftur (vers 18). Hann gerði ráð fyrir, að hann yrði ekki framar talinn sonur (vers 19), en þar skjátlaðist honum. Faðirinn elskaði heimkominn uppreisnarsegginn jafnheitt og áður (vers 20). Allt var fyrirgefið og efnt til fagnaðarveislu (vers 24).

Guð á auðvelt með að halda loforð sín, þar á meðal loforðið um fyrirgefningu. „Drottinn er nálægur þeim er hafa sundurmarið hjarta, þeim er hafa sundukraminn anda, hjálpar hann” (Sálmarnir 34:19).

Ef þú vilt sættast við Guð, þá er hér einföld bæn. Mundu að það mun ekki frelsa þig að fara með þessa bæn né neina aðra. Einungis traustið á Guði getur frelsað þig frá syndinni. Þessi bæn er einfaldlega leið til að tjá Guði trú þína á hann og þakka honum fyrir að tryggja þér hjálpræði.

 

„Guð, ég veit að ég hef syndgað gegn þér og verðskulda refsingu. En Jesús Kristur tók á sig hegninguna sem ég verðskuldaði, svo að mér yrði fyrirgefið fyrir trúna á hann. Ég sný baki við syndum mínum að set traust mitt um hjálpræði á þig. Þakka þér undursamlega náð þína og fyrirgefningu – gjöf eilífs lífs! Amen!”

tekið af got questions.org

http://www.gotquestions.org/islenska/saettast-vid-Gud.html

kærleikurinn til hvors annars

Hef mikið verið að hugleiða um mikilvægi kærleikans  - og ekki bara að hugleiða hann heldur hve mikilvægt er að sýna hann í verki - á hverjum degi - hvað eitt bros getur skipt miklum sköpum í lífi einhvers sem þú hittir yfir daginn.  Við búum á landi þar sem miklar hremmingar andans eru í gangi og það er hlutverk okkar að sýna hvort öðru kærleika, umburðarlyndi og skilning á aðstæðum og hve frábrugðnar þær geta verið.  Við eigum öll tilgang og hlutverk á þessarri jörðu - eitt af þeim hlutverkum sem er sameiginlegt er að sýna hvort öðru elsku og kærleika, það góða er að það kostar ekki einu sinni neitt - því kærleikur kemur að innan frá.  Það er mikið um sjálfsmorð á Íslandi en aldrei er rætt um það í fjölmiðlum líkt og þetta sé ekki til staðar - tökum okkur saman og brosum til hvors annars - það eitt leiðir margt af sér

Eigiði útúrblessaðan dag megi Guð vera með okkur í öllum okkar kringumstæðum

Lífsreglur

Mundu að þú ert einstök/ur

Mundu að þú ert mikilvæg manneskja

Mundu að þú fékkst hæfileika þína til að nota þá

Mundu að þú getur gefið eitthvað sem aðrir geta ekki gefið

Mundu að þú hefur reynslu og innsæji sem aðrir hafa ekki

Mundu að þú getur verið stolt/ur af mörgum hæfileika þinna

Mundu að þú ert fær um ótal hluti

Mundu að umbera fólk sem er ólíkt þér

Mundu að einhver mun ætíð elska þig

Mundu að þú kannt eitthvað sem þú getur kennt öðrum

Taktu með opnum huga á móti því sem annað fólk gefur þér

 

 

 

 

Hvað er kærleikur?

Kærleikur er, hvert góðverk sem þú vinnur Kærleikur, er hvert bros sem þú gefur Kærleikur, er að faðma þann sem grætur Kærleikur, er að hugga þann sem syrgir Kærleikur, er að gefa þeim sem þarfnast Kærleikur, er að bera umhyggju fyrir öllu sem lifir Kærleikur er að biðja fyrir öllum, góðum og slæmum Kærleikur, er að lifa sáttur við sjálfan sig og aðra Kærleikur er að dæma ekki Kærleikur er ljósið sem býr í hjarta þínu......

 

Ekkert getur gert okkur viðskila við kærleika Guðs. Biblían segir: Rm 8:38-39 Því að ég er þess fullviss, að hvorki dauði né líf, englar né tignir, hvorki hið yfirstandandi né hið ókomna, hvorki kraftar, hæð né dýpt, né nokkuð annað skapað muni geta gjört oss viðskila við kærleika Guðs, sem birtist í Kristi Jesú Drottni vorum.

Kærleikur Guðs fórnar. Biblían segir: Jh 3:16 Því svo elskaði Guð heiminn, að hann gaf son sinn eingetinn, til þess að hver sem á hann trúir glatist ekki, heldur hafi eilíft líf.

Kærleikur Guðs er óendanlegur. Biblían segir: Sl 136:1-2 Þakkið Drottni, því að hann er góður, því að miskunn hans varir að eilífu. Þakkið Guði guðanna, því að miskunn hans varir að eilífu,“

Hvernig er kærleikanum lýst? Biblían segir: 1Kor 13:4-7 Kærleikurinn er langlyndur, hann er góðviljaður. Kærleikurinn öfundar ekki. Kærleikurinn er ekki raupsamur, hreykir sér ekki upp. Hann hegðar sér ekki ósæmilega, leitar ekki síns eigin, hann reiðist ekki, er ekki langrækinn. Hann gleðst ekki yfir óréttvísinni, en samgleðst sannleikanum. Hann breiðir yfir allt, trúir öllu, vonar allt, umber allt.

Okkur er boðið að elska hvert annað. Biblían segir: 1Jh 2:7-8 Þér elskaðir, það er ekki nýtt boðorð, sem ég rita yður, heldur gamalt boðorð, sem þér hafið haft frá upphafi. Hið gamla boðorð er orðið, sem þér heyrðuð. Engu að síður er það nýtt boðorð, er ég rita yður, sem er augljóst í honum og í yður, því að myrkrið er að hverfa og hið sanna ljós er þegar farið að skína.

Kærleikurinn er ekki einungis fyrir vini. Biblían segir: Mt 5:43 Þér hafið heyrt, að sagt var: Þú skalt elska náunga þinn og hata óvin þinn. En ég segi yður: Elskið óvini yðar, og biðjið fyrir þeim, sem ofsækja yður 

Lögmál Guðs er kjarni kærleikans. Biblían segir: Mt 22:37-40 „Hann svaraði honum: Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Þetta er hið æðsta og fremsta boðorð. Annað er þessu líkt: Þú skalt elska náunga þinn eins og sjálfan þig. Á þessum tveimur boðorðum hvílir allt lögmálið og spámennirnir.

Við sýnum kærleika til Guðs með því að halda boðorðin. Biblían segir: 1Jh 5:3 Því að í þessu birtist elskan til Guðs, að vér höldum hans boðorð. Og boðorð hans eru ekki þung,“

Látið ekki kærleikann til Guðs dvína. Biblían segir: Opb 2:4-5 En það hef ég á móti þér, að þú hefur afrækt þinn fyrri kærleika. Minnst þú því, úr hvaða hæð þú hefur hrapað, og gjör iðrun og breyttu eins og fyrrum.