kreppan

Erum við í raun farin að finna almennilega fyrir kreppunni, ég held að í byrjun næsta árs munum við finna almennilega fyrir kreppunni og þá fyrst fer verslun almennings að skerðast og kaupmenn munu þá kvarta vel sáran, að mörgu leyti lifum við enn eins og engin kreppa sé

Gestum lítið fækkað í Kringlunni

já sæll

Hver lemur barn?? maður fær alveg illt í hjartað vitandi til þess að maður í ránsleiðangri endi á að kýla 2 ára gamalt barn - hver er ógnin af ungu barni? Mér reyndar finnst móðirinn ekki hafa brugðist sem móðir en hlutirnir hefðu getað endað verr - hlýtur að hafa verið ósjálfráð viðbrögð en veskið verður aldrei verðmætara en barnið.

Þjófur kýldi tveggja ára barn í andlitið

hvað er að gerast

sorglegt hvað þetta virðirst vera orðið svakalega algengt orðið vopn notuð og miðbæjarlífið orðið stórhættulegt.  Betra að eyða kvöldinu með heitt kakó heima hjá sér en að enda með hnífstungusár eða höfuðkúpubrot..... ef eitthvað er þá virðist djammlífið alltaf verða hættulegara og hættulegara

Alvarlegar árásir í miðbænum

Hún Oprah Winfrey

Hvernig verður lífið án Oprah Winfrey spjalldrottningin sem hefur haft svo mikið með sér í öll þessi ár - út frá henni hefur til að mynda komið hinn frægi dr.Phil sem að hefur líka slegið svona eftirminnilega í gegn líkt og Oprah þó svo hann eigi ekki jafn mörg ár í sjónvarpi og hún

Margt gott hefur komið frá henni og hefur hún tekið höndum saman á mörgum sviðum til að mynda sitt eigið blað, sjónvarpsstöð og einnig hefur hún unnið að mörgum góðgerðar málefnum helst þó það sem ég man eftir er í Afríku.  Nokkur af þessum góðgerðarstofnunum hennar heita The Angel Network, The Oprah Winfrey foundation og The Oprah WInfrey operation foundation sem vinnur helst að skólanum Leadership Academy í suður Afríku.

Ég hef fylgst með Oprah í mörg ár og merkilegt hvað hún býr yfir mikilli visku - en mesta viskan hennar er sú að hún blessar aðra.  Maður á eftir að sakna hennar en ég einhvern veginn efa að hún hverfi af yfirborðinu þessi merka manneskja.

 

Samtalsþættir Oprah Winfrey hætta senn

Það sem fólk gerir ekki fyrir fljótfenginn aur

Mér finnst merkilegt að eftir allan þann tíma sem liðinn er frá því að þetta fína fólk skildi að loks nú er hún tilbúinn að opna á sér munninn og segja frá öllu líkt og sagt er í fréttinni.  Skiljanlega er hjónabandið rofið og þar með það sem heilagt var í því farið afvega og ekkert þarf að rausa um trygglyndi við Jude Law sem slíkan - en það sem heggur mest í mig er að þau eiga saman börn - hvar er trygglyndið við þau? hvers vegna eftir allan þennan tíma þarf hún að ,,opna sig" um ástarsamband þeirra? Er ekkert pælt í afleiðingunum sem börnin þeirra þurfa að takast á við þegar fjölskyldulífið er tekið og steikt á pönnu af sjálfri móðurinni fyrir almenning - það eina sem maður les út úr þessu er peningahyggja.

Sadie Frost segir „allt"

Enn eitt einkennilega dæmið

Mér finnst það stórundarlegt hvernig unnið er á málum hér á Íslandi - einstaklingar eru gripnir við einhverjar stórhættulegar iðjur og glæpsamleg athæfi og þeim er beinlínis skipað að fara heim, og sofa úr sér - hvað gerist í framhaldi af þessu athæfi? Mun hann halda vinnu sinni þar sem hann stofnaði lífi sínu og annarra í stóra hættu með gáleysi sínu.

 Af hverju eru ekki dómar hérna á Íslandi teknir strax í gildi? af hverju eru brotamenn og hvað þá síbrotamenn of lengi á götunni áður en þeir taka út sinn dóm? Af hverju er ekki eytt meiri peningum almenningsins í að stækka við fangelsin og búa til meira pláss fyrir þá aukningu sem er búinn að vera of lengi í gangi í stað þess að vera að henda inn flatskjám og öðrum munaðarvörum í afbrotamenn - hvers vegna er dvölin í fangelsinu ekki aðeins drastískari - hví hlífum við þessum brotamönnum jafnvel í fangelsinu sjálfu? Mitt álit er það að um leið og þú ert gripinn við eitthvað álika hættulegt og að keyra 111 metra flutningaskipi ölvaður eigirðu að taka út þína refsingu og vera vikið strax úr starfi fyrir vítavert gáleysi.

Drukkinn skipstjóri handtekinn

sorglegt dæmi

Mér finnst heimurinn fara síversnandi - enn eitt formið er að maður þarf að fara hafa áhyggjur af barninu sínu einfaldlega því það er rauðhært - að búið sé að gera heilan dag þar sem skotleyfi er gefið á rauðhærða einstaklinga er bara út í kú.  Hvað þá að í raun að teiknimyndaþáttur sé búinn að ná að smita þessu bresku/amerísku hefð út um allan heim.  Skólayfirvöld á Íslandi mega þó eiga það að hafa tekið stíft á þessu - í skóla drengsins míns - sem er nota bene rauðhærður ungur drengur var farið í allar stofur og rætt um afleiðingar ef einhver myndi akta út á þessum degi - í Reykjavik voru nokkrum börnum rekið heim eftir að hafa einmitt sparkað í rauðhærða samnenmendur sína.  Hvaða dagur verður skáldaður upp næst???

eftir betri skoðun þá hef ég víst mislesið aðeins og er þetta breskt fyrirbæri og þá South Park þátturinn er hann væntanlega kanadískur??? endilega kommentið - en í einum þættinum af South park fer ein persónan í nánast heilagt stríð við rauðhærða í bænum og kallar þá sálarlausa. En þessi dagur á sér eldri rætur í Bretlandi og nefnist ,,gingers bashing day" Sá dagur er enn haldinn hátíðlegur í allavega einum framhaldsskóla í bretlandi.

Hægt er að finna sambærilegar greinar einnig á visir.is og pressan.is og dv.is

http://pressan.is/pressupennar/Lesa_Gillz/raudhaerdir-hafa-lika-tilfinningar

http://visir.is/article/20091119/FRETTIR01/833616223

http://visir.is/article/20091119/FRETTIR01/671051865

http://visir.is/article/20091119/FRETTIR01/261521031

 

 

Einelti gegn rauðhærðum í tilefni dagsins