Sálmur 92

Sálmarnir 92

¹Sálmur. Hvíldardagsljóð.

²Gott er að lofa Drottin,

lofsyngja nafni þínu, þú Hinn hæsti,

³að kunngjöra miskunn þína að morgni

og trúfesti þína um nætur

⁴á tístrengjað hljóðfæri og hörpu

og við strengjaleik gígjunnar.

⁵Þú gleður mig, Drottinn, með dáðum þínum,

ég fagna yfir verkum handa þinna.

⁶Hversu mikil eru verk þín, Drottinn,

hversu djúpar hugsanir þínar.

⁷Fávís maður skynjar það ekki

og heimskinginn skilur það ekki:

⁸Þótt óguðlegir grói sem grasið

og allir illvirkjar blómstri

verða þeir upprættir um aldur og ævi

⁹en þú, Drottinn, ert eilíflega upphafinn.

¹⁰Því sjá, óvinir þínir, Drottinn,

því sjá, óvinir þínir farast

og allir illvirkjar tvístrast.

¹¹En þú hefur horn mitt hátt eins og á villinauti,

smyrð mig ferskri olíu.

¹²Auga mitt lítur með gleði niður á fjandmenn mína,

eyra mitt heyrir með gleði um níðingana er rísa gegn mér.

¹³Réttlátir dafna sem pálmi,

vaxa sem sedrustré á Líbanon,

¹⁴þeir eru gróðursettir í húsi Drottins,

þeir blómgast í forgörðum Guðs vors,

¹⁵bera ávöxt í hárri elli,

eru safaríkir og grænir,

¹⁶og boða: „Drottinn er réttlátur,

hann er bjarg mitt, hjá honum er ekkert rangt til."


fékk þennan sálm sendan - frekar magnaður - Hann er bjarg mitt - hjá honum er ekkert rangt til,  þetta upplifi ég svo í dag - þetta föðurhjarta sem hann á fyrir mér og ekki bara mér heldur líka þér, það er að segja ef þú vilt taka á móti því.  Við göngum um á sköpun hans á hverjum degi - vöknum upp við mismunandi málverk á hverjum einasta degi  hversu magnaður skapari er það - Drottinn er góður - hann gleður mig á hverjum degi.

Skunkur í megrun

Þegar skunkur er settur í megrun að þá er eitthvað mikið að, samt það sem heggur í augað í þessarri grein er að hann hafi dottið í beikonsamlokuát og þyngst verulega út frá því.  Þetta náttúrulega fær mann bara til að hlæja, hvaða skunkur dettur óvart í beikonsamlokuát - eru það ekki eigendunum að kenna að svona sé farið fyrir dýrinu, búið að hlaða ofan í greyið einhverju sulli og svo sett á  greyið í ofanaálag einhverjar americas next top model reglur og staðlar hvernig hann eigi að vera og hve mikið hann eiga að vega, hvað ef að það sé þungt í beinunum  hans hefur það eitthvað að segja? - mér finnst þetta hið grátbroslegasta mál - ég vorkenni greyinu, hann skilur ábyggilega ekkert í þessu megrunar rugli

over and át

Offeitur skunkur í megrun

flott framlag

ég verð nú að viðurkenna það að ég var ótrúlega stoltur af framkomu hennar og framlagi - var stoltur íslendingur í nokkrar mínútur - Hún Jóhanna Guðrún má eiga það að hún er rokna dugleg stelpa með stóra drauma og flotta framkomu og sterka og flotta rödd - hún á ekkert nema hrós skilið

Is it True? valið lag ársins

vissi ekki að hún væri ólétt??

Mér finnst þetta alveg merkilegt hvað maður les orðið margar svona fréttir á ári - um konur sem eru búnar að ganga heila meðgöngu og héldu bara að þær væru með kviðverki, búnar að fitna svona mikið og einhverjar álíka afsakanir - þetta er kannski út úr kú spurning en hvernig er hægt að vita ekki af barninu í 9 mánuði og hvað þá þegar barnið byrjar að sparka og allt sem það gerir inni í maganum á konunni - ég verð alltaf jafn hissa á svona fréttum - því allar þær konur sem ég hef þekkt og verið óléttar hafa stöðugt talað um tilfinninguna sem barnið gefi og hve gott sé að finna fyrir því og ef eitthvað er verið frekar taugaveiklaðar ef að það kom tími sem þær fundu ekki eitthvað - einhver í ykkar lífi sem hefur upplifað svona aðstæður? 

Handtekin eftir að hafa fætt barn á salerni

Gleðileg jól öllsömul

Óska ykkur öllum gleðilegra jóla og farsæls komandi árs - megi andi jesú fylgja ykkur inn í nýtt ár - megiði eiga jól full af kærleika, gleði, hlátur, hamingju og friðar

Jóhannesarguðspjall 4:14
en hvern sem drekkur af vatninu er ég gef honum mun aldrei þyrsta að eilífu. Því vatnið, sem ég gef honum, verður í honum að lind sem streymir fram til eilífs lífs.“

Fyrsta Jóhannesarbréf 3:1
Börn Guðs Sjáið hvílíkan kærleika faðirinn hefur auðsýnt okkur, að við skulum kallast Guðs börn. Og það erum við. Heimurinn þekkir okkur ekki vegna þess að hann þekkti hann ekki.

Sálmarnir 86:5
Þú, Drottinn, ert góður og fús til að fyrirgefa, gæskuríkur öllum sem ákalla þig.

Sálmarnir 86:12
Ég vil þakka þér, Drottinn, Guð minn, af öllu hjarta og tigna nafn þitt að eilífu

Sálmarnir 95:6-7
Komið, föllum fram og tilbiðjum, beygjum kné vor fyrir Drottni, skapara vorum. Því að hann er vor Guð og vér erum gæslulýður hans, hjörðin sem hann gætir. Ó, að þér í dag vilduð heyra raust hans:

Efesusbréfið 2:10
Við erum smíð Guðs, sköpuð í Kristi Jesú til góðra verka sem hann hefur áður fyrirbúið til þess að við skyldum leggja stund á þau.

Sálmarnir 62:8
Hjá Guði er hjálpræði mitt og vegsemd, minn örugga klett og athvarf mitt hef ég í Guði.

Lúkasarguðspjall 2:11
Yður er í dag frelsari fæddur, sem er Kristur Drottinn, í borg Davíðs.

 

Þótt ég talaði tungum manna og engla,
en hefði ekki kærleika,
væri ég hljómandi málmur eða hvellandi bjalla.
Og þótt ég hefði spádómsgáfu
og vissi alla leyndardóma
og ætti alla þekking,
og þótt ég hefði svo takmarkalausa trú,
að færa mætti fjöll úr stað,
en hefði ekki kærleika,
væri ég ekki neitt.
Og þótt ég deildi út öllum eigum mínum,
og þótt ég framseldi líkama minn,
til þess að vera brenndur,
en hefði ekki kærleika,
væri ég engu bættari.

Kærleikurinn er langlyndur,
hann er góðviljaður.
Kærleikurinn öfundar ekki.
Kærleikurinn er ekki raupsamur,
hreykir sér ekki upp.
Hann hegðar sér ekki ósæmilega,
leitar ekki síns eigin,
hann reiðist ekki,
er ekki langrækinn.
Hann gleðst ekki yfir óréttvísinni,
en samgleðst sannleikanum.
Hann breiðir yfir allt,
trúir öllu, vonar allt,
umber allt.

Kærleikurinn fellur aldrei úr gildi.
En spádómsgáfur, þær munu líða undir lok,
og tungur, þær munu þagna,
og þekking, hún mun líða undir lok.
Því að þekking vor er í molum
og spádómur vor er í molum.
En þegar hið fullkomna kemur,
þá líður það undir lok, sem er í molum.

Þegar ég var barn, talaði ég eins og barn,
hugsaði eins og barn
og ályktaði eins og barn.
En þegar ég var orðinn fulltíða maður,
lagði ég niður barnaskapinn.
Nú sjáum vér svo sem í skuggsjá,
í ráðgátu,
en þá munum vér sjá augliti til auglitis.
Nú er þekking mín í molum,
en þá mun ég gjörþekkja,
eins og ég er sjálfur gjörþekktur orðinn.

En nú varir trú, von og kærleikur,
þetta þrennt,
en þeirra er kærleikurinn mestur.
(I. Korintubréf 13. kafli)

Af náð eruð þér hólpnir orðnir.
Guð hefur uppvakið oss í Kristi Jesú
og búið oss stað í himinhæðum með honum.
Þannig vildi hann á komandi öldum
sýna hinn yfirgnæfandi ríkdóm náðar sinnar
með gæsku sinni við oss í Kristi Jesú.

Því að af náð eruð þér hólpnir orðnir fyrir trú.
Þetta er ekki yður að þakka.
Það er Guðs gjöf.
Ekki byggt á verkum,
enginn skal geta miklast af því.
(Efesusbréfið 2:6-9)

Drottinn er góður og vill okkur aðeins það besta, Hann elskar okkur á þann veg sem við getum aldrei almennilega skilið - ást hans er það mikil, ást hans byggist ekki á því hve mikið við gerum heldur eingöngu fyrir þann part að við erum börnin hans, við tilheyrum honum - við þurfum ekki að áorka einu né neinu til að eignast þann hlut - aðeins að játa það að jesús er kristur frelsarinn okkar - í dag er aðfangadagur jóla, og sú hugsun sem ríkir mest í hjarta mínu og huga er hvað ég er þakklátur fyrir Guð - hann á ævarandi ást og fyrirgefningu og hann leiðir okkur á réttu staðina sama hve langan tíma það tekur, hann á nefnilega eitthvað sem okkur mannfólkið skortir stundum, þolinmæðina og endalaust mikið af henni - hleypum kærleikanum og fyrirgefningunni fram njótum þess að lifa og gefa og taka á móti kærleika.

Guð blessi ykkur öll og gefi ykkur friðar jól

getur verið erfitt að setja sig í annarra manna spor

Ég tek ofan af fyrir prinsinum, oft er skotið á fólk sem er þekkt að setja sig í annarra manna spor  og hvað þá spor þeirra sem minna mega sín og þeirra sem eiga ekkert - sem hlýtur að vera erfitt þegar þú sjálfur átt allt, en hann lét ekkert segja sér þetta tvisvar og tókst á við áskorunina.  Fyrir mitt leyti er ég þakklátur Guði að ég á þak yfir höfuðið og fjölskyldu sem elskar mig og ef sú staða kæmi upp að þá fengi ég svefnpláss á sófanum en endaði ekki á götunni með börnin, við megum ekki gleyma að Það eru ekki allir það blessaðir.

Vilhjálmur prins á götunni

Eina jákvæða fréttin

Hún Faith er er greinilega undarverk - kraftaverk, magnað að vita til þess að hundur sem fæðist vanskapaður og nær að sigrast á hindrununum sínum sem lífið skellti á sig, nær til þúsunda fólks og gefur því von - að mínu mati er þetta Guð að verka í henni til góðs - þetta er góð áminning að halda áfram og láta lífsins vonbrigði ekki draga sig of mikið niður, lyfta upp hökunni og brosa framan í lífið - eftir allt er það stærsta gjöfin sem Guð gaf okkur.

 því að Drottinn er góður, miskunn hans varir að eilífu og trúfesti hans frá kyni til kyns

Sálmarnir 100:5

Náðugur og miskunnsamur er Drottinn, þolinmóður og mjög gæskuríkur
sálmarnir 103:8

Himinn og jörð munu líða undir lok en orð mín munu aldrei undir lok líða.

markúsarguðspjall 13:31

sá þessa mynd og fékk hana lánaða - finnst hún svolítið táknræn upp á lífið, það er langur vegur - þurfum að muna að fókusera á það sem skiptir máli - jákvæðu hlutirnir, fjölskyldan, vinirnir, það góða sem byggir okkur upp og gefur okkur fallega ásýn af lífinu, ég fylgist mikið með fréttum á netinu og upplifun mín er sú að það er of mikið af neikvæðum fréttum og of lítil prósenta af jákvæðum fréttum, uppbyggilegum sem fá hjörtun okkar til að brosa - fréttin um faith hins vegar fékk hjartað mitt til að brosa og væntanlega mun þitt hjarta líka brosa - okkur finnst alltaf yndislegt þegar að fólk og jafnvel dýr eins og á við í þessu tilfelli nær að gera það sem myndi flokkast að sigrast á lífinu og fara þessa extra mílu til að lifa lífinu vel þó það þýði að skoppa um á afturfótunum sem hundur gegnum allt lífið með brosi og gleði.  Þetta minnir mig á setninguna sem að mamma mín heitin sagði svo oft, ,,Guð leggur aldrei meiri byrðar á axlir okkar en við getum borið" nú var hún ekkert gífurlega mikið trúuð en hún mamma vissi samt greinilega hvað hún var að raula um - hátíðar og jól draga alltaf upp minningar af mömmu minni og þó að fólk fari frá þá eigum við alltaf þessar góðu gömlu minningar sem ylja okkur um hjörtun, tíminn sem við áttum saman og eigum með fólkinu sem er enn með okkur er sá tími sem skiptir öllu máli - njótum þess að vera til og munum að kærleikurinn fellur aldrei úr gildi.

Tvífættur hundur er mikill gleðigjafi

fær hjartað til að stoppa - fjöldajarðarför

ég veit ekki hvað ég mynd gera ef þetta væri mitt líf, get ekki ýmindað mér sársaukann að missa ekki bara eitt barn sitt heldur öll og það í einu - 6 börn dáin því að jarðsprengja var ekki hreinsuð upp, hver ber ábyrgð spyr maður sig -  afleiðing af stríði m-rgum árum síðar

Systkini létust vegna gamallar jarðsprengju

Sorglegasta mál

Hvernig stendur á því að hámenntaðir menn sem fara fyrir að dæma í svona málum gleyma ávallt að virðist þolandanum ´i þessum máum eða hvað? Mér finnst þetta hneykslismál og of algengt því miður.  Er ekki tekið neitt inn í dæmið að sálarlíf fólks sem verður fyrir svona skaðast, það tekur tíma að vinna svona upp og þetta brot gerist um hábjartan dag. Gerendurnir fá hlægilegan dóm og eiginlega engar sjáanlegar afleiðingar í kjölfar dóms, hvað með eftirmál hjá þeim líkt og til dæmis sálfræðimeðferðir, skyldumætingar á einhvernstað í viðtöl og jafnvel áfengis og eiturlyfjapróf? Að ganga í burtu með jafn léttvægan dóm og þetta er er hneisa, hvernig stendur á því að á árinu 2009 að þá eru dómar of vægir - það á aldrei að vera réttlætanlegt að framkvæma brot og geta bara ,,gengið í burt"

Ég bið fyrir þolandanum að hún nái fullum bata og trausti á samfélaginu sínu sem brást henni ég bið líka fyrir gerendunum að þær fái fullan skilning á því broti sem þær frömdu - Guð blessi allar þessar stelpur

Eins og blaut tuska í andlitið

byssumenn á Íslandi, hljómar alltaf jafn einkennilega

Umsátur vegna byssuhótana

Umsátursástand skapaðist við hús í Reykjanesbæ á tíunda tímanum í morgun. Lögreglan á Suðurnesjum kallaði til sérsveitina vegna byssuhótana, en eftir um hálftíma umsátur um íbúðina þar sem meintir byssumenn höfðu til gáfu sig fram við lögreglu. Þeir voru þá án skotfæra.

Samkvæmt upplýsingum frá lögreglunni var forsaga málsins sú að nokkrir menn bönkuðu upp á hjá tveimur karlmönnum, sem þeir eru málkunnugir, í morgun, en þeir töldu sig eiga harma að hefna eftir slagsmál í morgunsárið. Mennirnir tveir hótuðu aðkomumönnunum og í framhaldinu var lögreglan kölluð til. Hún náði símasambandi við mennina sem höfðu í hótunum og í framhaldinu gáfu þeir sem fram. Allir mennirnir eru góðkunningjar lögreglunnar, að hennar sögn.

 

Eru ekki að koma jól segi ég nú bara?? Hvar er jólaandinn - kærleikur fyrir náunganum - gleðin og sameiningin sem á að skapast í kringum hátíðarnar?  því miður myndast oft afmyndun af því sem hátíðarnarnar eiga að snúast um, fólk festist í of miklum gleðskap og þetta verður oft afleiðing þess, er samt ekki að alhæfa - nokkrir kunna að fara með veigar.  Það skrýtna er kannski að maður pælir ekki mikið í þessu fyrr en þetta verður of nálægt manni, ég bý í Reykjanesbæ, ég fer ekki á lífið, á bara ekki heima þar í dag og þar af leiðandi kannski verður maður ekki jafn var við þá brenglun sem getur myndast við skemmtanalíf - ef við virkilega spáum bara i orðinu - skemmtanalíf - hvað er skemmtilegt að enda á gjörgæslu, höfuðkúpubrotin eða með lögregluna á hælunum því þú hótaðir mannslífi? og mér finnst þetta bara jafn mikil morðhótun þó að vantað hefði skotvopnin í haglabyssuna og hafnarboltakylfan var ekki fallegri leikur heldur hjá hinum aðilunum, er þú ert kominn á þennan stað í lífinu er þá ekki komin tími til að skoða sín mál - njótum desembers með fjölskyldu og vinum og förum rólega inn um gleðinnar dyr

Umsátur vegna byssuhótana